Frits Rademacher - Loeënde klokke
Tekst: Frits Rademacher / Muziek: Johnny Hoes
(1955)






Dao baove in den tore
Dao hange ze biejein
De zoo vertroede klokke
De grote en de klein
De klein bringt ummer bliedsjap
De grote soms ouch leid
De wénd zörg dat gebéjer
Wied euver véljer geit



Loeënde klokke
Van Limburg mie landj
Loeënde klokke versjterke de bandj
Laot ös éns heure
Wat stjeit te gebeure
Loeënde klokke
Van Limburg mie landj



Bim bam bim bam
Klokke van Limburg mie landj
Bim bam bim bam
Klokke versjterke de bandj



Die sjoon klinkende klanke
Veer heure ze zoe geer
Ze wille ös begleije
Door gans ös leven haer
En went de klokke zjwiege
Dan is ’t sjtil en kaal
Veer wachte dan verlangend
Weir op die klokketaal



Loeënde klokke
Van Limburg mie landj
Loeënde klokke versjterke de bandj
Laot ös éns heure
Wat stjeit te gebeure
Loeënde klokke
Van Limburg mie landj



Bim bam bim bam
Klokke van Limburg mie landj
Bim bam bim bam
Klokke versjterke de bandj









<<   Vorige nummer                     Overzicht jaren ’50                     Volgende nummer   >>




Naar boven                       Home