Frits Rademacher - ’t Huikske
Tekst en muziek: Frits Rademacher
(1956)






Wie ich nog ei jungske waas
Zoo van ei jaor of zös
Doe vong ich gaer van alles aan
En leit ich niks mit rös
Zout ich aan ’t trummelke
En pakde mich ei kuikske
Dan zagde Mam: “Doe deugeneit
Ich zet dich in ’t huikske”
Tralala lala, tralala lala
Tralala lala, tralala lala



Wie ich al get groter woort
De sjoolteid waas verbie
Doe hauw ich gaer, wie jederein
Ei maedje aan mien zie
Ei knap gezichske, ’n aardig kéndje
Mit öm de kop ei duikske
Ich sjprouk dan mit dat maedje aaf
Op ein of anger huikske
Tralala lala, tralala lala
Tralala lala, tralala lala



Wie ich later vrieje göng
Ich waas vol gouwe moud
Veer noume aafsjeid in de gank
Ich weit ’t nog zoo goud
Opéns versjeen de sjoonpapa
Dae zag doe mit ei vluikske
“Waat möt dat mit mien dochter noe
Dao in dat duuster huikske”
Tralala lala, tralala lala
Tralala lala, tralala lala



Went ich éns bie Petrus köm
En klop dao aan de deur
Dan zaet ’r: “Jong, kom doe mer in
Doe sjteis ter heel goud veur
Doe höbs toch nemes kaod gedaon
Dao sjteis niks in mie buikske”
Dan vraog ich: “Petrus, zét mich mer
Mit ein éngelke in ein huikske”
Tralala lala, tralala lala
Tralala lala, tralala lala





Tralala lala, tralala lala









<<   Vorige nummer                     Overzicht jaren ’50                     Volgende nummer   >>




Naar boven                       Home